Vaşinqtonda helikopterlə toqquşan sərnişin təyyarəsi çaya düşüb, ölənlər var

APA "The Washington Post"a istinadən xəbər verir ki, polis ölənlərin sayını açıqlamadan bir neçə cəsədi çaydan çıxarıb.

Merilend rəsmiləri qəza yerinə dalğıclar göndərib.

***
08:05

Vaşinqtonun Reyqan Milli Hava Limanı yaxınlığında sərnişin təyyarəsi “Blackhawk” helikopteri ilə toqquşaraq Potomak çayına düşüb.

APA xəbər verir ki, bu barədə “CNN“ məlumat yayıb.

Məlumata görə, təyyarənin göyərtəsində 60 sərnişin olub.

“NBC News”un məlumatına görə, qəzaya uğrayan təyyarədə azı 4 nəfər sağ qalıb, onlar xəstəxanaya aparılıb.

“Reuters“ isə helikopterdə üç hərbçinin olduğunu bildirib.

FTB-nin Vaşinqtondakı yüksək rütbəli rəsmisinin sözlərinə görə, baş verən hadisədə terror əlaməti yoxdur.