Islam Times - Lavrovun müavini HAMAS rəhbərliyi ilə telefon danışığı aparıb

IslamTimes - Rusiya xarici işlər nazirinin müavini Mixail Boqdanov HAMAS rəhbərliyi ilə telefon danışığı aparıb.

APA-nın Moskva müxbiri Rusiya XİN-ə istinadən xəbər verir ki, Boqdanov HAMAS-ın Siyasi Bürosunun sədri Xaled Maşaal və sədr müavini Musa Abu-Marzukla telefon danışığı zamanı Rusiya vətəndaşı Aleksandr Trufanovun azadlığa buraxılmasını xahiş edib.

Rəsmi Moskva xahişi işğalçı İsrail və HAMAS arasında girovların mübadiləsinə dair sazişin bağlanmasından sonra edib.

Rusiya XİN-in telefon danışığı ilə bağlı bəyanatında bildirilib ki, Moskva həmçinin Rusiya Federasiyasının daha əvvəl HAMAS rəhbərliyinə təqdim etdiyi humanitar xarakterli digər müraciətlərinin də nəzərə alınacağına ümid edir.