Kreml Türkiyə mətbuatının iddiasının yalan olduğunu bildirdi

Kreml Suriyanın devrilmiş və Rusiyaya sığınmış prezidenti Bəşər Əsədin həyat yoldaşı Əsma Əsədin boşanaraq Rusiyanı tərk etmək istəməsi ilə bağlı məlumatlara münasibət bildirib.

APA-nın Moskva müxbiri xəbər verir ki, Kremlin sözçüsü Dmitri Peskov Əsədin həyat yoldaşının ondan boşanaraq Rusiyanı tərk etmək istəməsi ilə bağlı məlumatların doğru olmadığını söyləyib.

Peskov bu məlumatların həqiqətə uyğun olmadığını bildirib.

Qeyd edək ki, Türkiyə mətbuatı Əsədin həyat yoldaşının boşanmaq ərizəsi ilə Moskvada məhkəməyə müraciət etdiyini, Londona köçüb getmək istədiyini yazıb.