Islam Times - Qəzzada şəhidlərin sayı 12 min nəfəri keçib

IslamTimes - İşğalçı İsrailin Qəzza zolağında törətdiyi qətliamlar nəticəsində 12,3 mindən çox insan şəhid olub

APA xəbər verir ki, bu məlumatı Qəzza hökumətinin mətbuat xidməti yayıb.

“İşğalçı İsrailin bombardmanları və atəşi nəticəsində ölənlərin sayı 12,3 mini ötüb, onlardan 5 mindən çoxu uşaq və yeniyetmə, 3,3 mindən çoxu qadınlardır”, - mətbuat xidmətinin Facebook səhifəsində dərc etdiyi bəyanatda deyilir.

Hesabat dövründə sektorda 30 mindən çox insan xəsarət alıb ki, onların da ən azı 75%-i uşaq və qadınlardır. Qaniçən İsrailin bombardmanları zamanı uçan binaların dağıntıları altında 6 mindən çox adam itkin düşmüş hesab olunur.