QR Code

یمن اور حزب اللہ نے جنگ میں کیا کردار ادا کیا؟ حماس ترجمان ڈاکٹر خالد القدومی کا اہم انٹرویو

6 Feb 2025 02:27

اسلام ٹائمز کو دیئے گئے اپنے خصوصی انٹرویو میں حماس کے ترجمان ڈاکٹر خالد قدومی نے یمن اور حزب اللہ کے جنگ میں کردار پر بات کرتے ہوئے کہا کہ حزب اللہ نے فلسطین کی حمایت میں اپنے قائد کو قربان کیا ہے اور یمن نے بھی فلسطینی عوام کا بھرپور ساتھ دیا۔ ڈاکٹر قدومی نے امریکی رویئے پر تبصرہ کرتے ہوئے کہا کہ اب امریکا پہلے جیسا نہیں رہا اور حماس نے اسرائیل کی سب سے بڑی فوج کو ناکام بنا دیا ہے۔ انہوں نے غزہ کے عوام کی خود مختاری کی اہمیت پر زور دیتے ہوئے کہا کہ غزہ کی قسمت کا فیصلہ اہل غزہ خود کرینگے۔ ڈاکٹر قدومی نے ڈونلڈ ٹرمپ کو دھمکیاں دینے والا شخص قرار دیتے ہوئے کہا کہ امریکا حماس کے سامنے کچھ بھی نہیں ہے۔

ڈاکٹر خالد القدومی معروف فلسطینی سیاستدان اور اسلامی مزاحمتی تحریک حماس کے سینیئر رہنماء ہیں۔ وہ حماس کے سیاسی شعبے کے اہم ترین ارکان میں شمار ہوتے ہیں اور پاکستان سمیت مختلف ممالک میں سکونت پذیر رہ چکے ہیں۔ خالد قدومی اردو زبان پر بھی عبور رکھتے ہیں۔ ان کا تعلق فلسطین کے شہر غزہ سے ہے اور وہ تہران میں حماس کی جانب سے نمائندگی کرتے ہیں۔ انہوں نے حماس کے سیاسی منصوبوں کو بین الاقوامی سطح پر فروغ دینے کی بھرپور کوشش کی ہے اور فلسطین کی آزادی اور حقوق کیلئے ہمیشہ اپنی آواز بلند کی ہے، انکا موقف ہمیشہ فلسطینی قوم کے حقوق کی حمایت اور بیت المقدس کی آزادی کیلئے رہا ہے اور وہ اسرائیل کیخلاف مزاحمت کے حامی ہیں۔ اسلام ٹائمز نے اسرائیل اور حماس کے درمیان جنگ بندی اور فلسطین کی تازہ ترین صورتحال پر انکا ایک مفصل انٹرویو کیا ہے، جو پیش خدمت ہے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/@ITNEWSUrduOfficial

خبر کا کوڈ: 1188885