اسلام ٹائمز - سید مقاومت کی شہادت پر ڈیرہ اسماعیل خان میں احتجاجی ریلیاں

سید مقاومت کی شہادت پر ڈیرہ اسماعیل خان میں احتجاجی ریلیاں

اسلام ٹائمز: صیہونی دہشتگرد ناجائز ریاست اسرائیل و امریکہ کیجانب سے عالم اسلام کے مجاہد، قائد مزاحمت سردار مقاومت شہید سید حسن نصراللہ کی شہادت پر ڈیرہ اسماعیل خان میں شیعہ علماء کونسل اور مجلس وحدت مسلمین و امامیہ اسٹوڈنٹس آرگنائزیشن کیجانب سے دو مختلف احتجاجی ریلیاں نکالی گئیں۔

رپورٹ: سید عدیل زیدی

صیہونی دہشت گرد ناجائز ریاست اسرائیل و امریکہ کی جانب سے عالم اسلام کے مجاہد، قائد مزاحمت سردار مقاومت شہید سید حسن نصراللہ کی شہادت پر ڈیرہ اسماعیل خان میں شیعہ علماء کونسل اور مجلس وحدت مسلمین و امامیہ اسٹوڈنٹس آرگنائزیشن کی جانب سے دو مختلف احتجاجی ریلیاں نکالی گئیں۔ کوٹلی امام حسینؑ سے شیعہ علماء کونسل ڈیرہ اسماعیل خان اور جعفریہ اسٹوڈنٹس آرگنائزیشن ڈیرہ کے زیراہتمام مرکزی نائب صدر علامہ محمد رمضان توقیر کی قیادت میں اسرائیلی جرائم کے خلاف احتجاجی ریلی نکالی گئی۔ ریلی میں بلاتفریق دیگر مسالک کی عوام نے کثیر تعداد میں شرکت کی۔ علامہ محمد رمضان توقیر نے ریلی سے خطاب کرتے ہوئے کہا کہ مجاہد عظیم شہید مقاومت سید حسن نصراللہ کی شہادت عالم اسلام کے لئے ناقابل تلافی نقصان ہے، شہید کی امت مسلمہ کے لئے بلاتفریق خدمات قابل تحسین ہیں۔ علاوہ ازیں امامیہ اسٹوڈنٹس آرگنائزیشن اور مجلس وحدت مسلمین ڈیرہ اسماعیل خان کی جانب سے جامع مسجد لاٹو فقیر سے فوارہ چوک تک احتجاجی ریلی نکالی گئی، جس میں بڑی تعداد میں لوگوں نے شرکت کی۔ مزید احوال اس ویڈیو رپورٹ میں ملاحظہ فرمائیں۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial