اسلام ٹائمز - ایم ڈبلیو ایم نے تحریک انصاف سے کن شرائط پر اتحاد کیا، ناصر شیرازی سے تفصیلی انٹرویو

ایم ڈبلیو ایم نے تحریک انصاف سے کن شرائط پر اتحاد کیا، ناصر شیرازی سے تفصیلی انٹرویو

اسلام ٹائمز کے نمائندے سے گفتگو کرتے ہوئے ایم ڈبلیو ایم کے مرکزی جنرل سیکرٹری نے کہا کہ ہم پی ٹی آئی کے ساتھ کوئی دھوکہ نہیں کرینگے، ہماری کوئی شرط نہیں ہے، شرط اتنی ہے کہ پاکستان کی داخلی اور خارجی خود مختاری کا پاس رکھا جائے، ہم نے جس معاہدے پر دستخط کئے تھے اس پر کاربند ہیں، امید ہے کہ پی ٹی آئی بھی اس معاہدے پر پابند رہے گی۔

مجلس وحدت مسلمین پاکستان کے مرکزی جنرل سیکرٹری سید ناصر عباس شیرازی پیشہ کے اعتبار سے قانون دان اور لاہور ہائیکورٹ میں پریکٹس کرتے ہیں۔ قبل ازیں وہ ایم ڈبلیو ایم میں مرکزی سیکرٹری سیاسیات کے عہدے پر بھی کام کرچکے ہیں، آجکل ایک تھنک ٹینک چلا رہے ہیں اور اس میں بطور صدر کام کر رہے ہیں۔ امامیہ اسٹوڈنٹس آرگنائزیشن پاکستان کے مرکزی صدر بھی رہ چکے ہیں، جبکہ انکا بنیادی تعلق پنجاب کے معروف ضلع سرگودھا سے ہے۔ انہوں نے تاریخ، بین الاقوامی تعلقات اور قانون میں ایم فل کیا ہے۔ آئی ایس او پاکستان کی مرکزی صدارت کے دوران متحدہ طلبہ محاذ کی قیادت بھی کرتے رہے ہیں۔ سید ناصر شیرازی ملکی اور عالمی حالات پر گہری نظر رکھنے والے تجزیہ کار ہیں، وہ اپنی تحریر و تقریر میں حقائق کی بنیاد پر حالات کا نہایت درست اور عمیق تجزیہ پیش کرتے ہیں، یہی وجہ ہے کہ انٹرنیشنل ریلیشنز اور کرنٹ افیئرز سے دلچسپی رکھنے والے حلقوں میں انہیں بڑی پذیرائی حاصل ہے۔ اسلام ٹائمز نے موجودہ سیاسی صورتحال پر انکا ایک اہم انٹرویو کیا ہے، جو پیش خدمت ہے۔ قارئین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial