QR Code

غزہ پر اسرائیلی جارحیت، کراچی میں امریکی قونصل خانے کے سامنے احتجاج

5 Dec 2023 21:22

اسلام ٹائمز: دی سپورٹرز کے ترجمان احسن مہدی نے کہا کہ ہمارا امریکی قونصلیٹ کے سامنے احتجاج اس لئے ہے کہ یہ امریکا ہی ہے کہ جو اسرائیل کا سرپرست ہے، اسرائیل کے ہر جرم میں امریا برابر کا شریک ہے، فلسطینی مزاحمت کی حمایت کیلئے پاکستان کی عوام ہمیشہ میدان میں ہے۔

رپورٹ: ایس ایم عابدی

غزہ میں انسانی حقوق کی خلاف ورزی پر کراچی میں امریکی قونصل خانے کے سامنے احتجاج کیا گیا جس میں بچوں اور خواتین نے شرکت کی۔ تفصیلات کے مطابق دی سپورٹرز کی جانب سے غزہ میں قتل عام کے خلاف کراچی میں موجود امریکی قونصل خانے کے سامنے احتجاج کیا گیا، جس میں خواتین اور بچے شریک تھے۔ شہریوں نے غزہ میں شہید ہونے والے افراد سے اظہار ہمدردی کیا اور اسرائیل کے انسان سوز مظالم روکنے کا مطالبہ کیا۔ مظاہرین نے فری فری فلسطین اور غزہ میں مظالم کی تصاویر اٹھائی ہوئی تھی۔ اس موقع پر گفتگو کرتے ہوئے دی سپورٹرز کے ترجمان احسن مہدی نے کہا کہ آج دنیا فلسطینیوں کی حمایت اور اسرائیل کی جارحیت کے خلاف سینہ سپر ہے، دنیا عنقریب اسرائیل کا نابودی کا مشاہدہ کرے گی، ہمارا امریکی قونصلیٹ کے سامنے احتجاج اس لئے ہے کہ یہ امریکا ہی ہے کہ جو اسرائیل کا سرپرست ہے، اسرائیل کے ہر جرم میں امریا برابر کا شریک ہے، لہذا فلسطینی مزاحمت کی حمایت کیلئے پاکستان کی عوام ہمیشہ میدان میں ہے، اسرائیل اور اسکے سرپرست امریکا کے جرائم کو آشکار کرتے رہیں گے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial

خبر کا کوڈ: 1100562