اسلام ٹائمز - غزہ پر صہیونی جارحیت کیخلاف فلسطین فاؤنڈیشن کا احتجاج، ہندو سکھ اور مسیحی رہنماؤں کی شرکت

غزہ پر صہیونی جارحیت کیخلاف فلسطین فاؤنڈیشن کا احتجاج، ہندو سکھ اور مسیحی رہنماؤں کی شرکت

اسلام ٹائمز: احتجاجی مظاہرے سے خطاب کرتے ہوئے مقررین کا کہنا تھا کہ غزہ میں مسلسل صیہونی جارحیت کی پشت پناہی امریکی حکومت کر رہی ہے۔ انہوں نے عرب اور مسلمان ممالک کے حکمرانوں سے بھی مطالبہ کیا کہ غاصب صیہونی حکومت کو تیل اور گیس کی سپلائی بند کی جائے اور اسرائیل کے ساتھ تعلقات منقطع کئے جائیں۔

رپورٹ: ایس ایم عابدی

فلسطین فاؤنڈیشن پاکستان کے زیر اہتمام کراچی پریس کلب کے سامنے ہفتہ کے روز احتجاجی مظاہرہ کیا گیا۔ احتجاجی مظاہرے میں تمام سیاسی و مذہبی جماعتوں کے قائدین سمیت سول سوسائٹی، انسانی حقوق کے رہنماؤں اور اقلیتی برادری کے رہنماؤں نے شرکت کی۔ احتجاجی مظاہرے میں طلباء و طالبات سمیت خواتین اور بچوں نے بھی شرکت کی۔ بچوں نے ہاتھوں میں پلے کارڈز اٹھا رکھے تھے جن پر غزہ میں معصوم بچوں کی زخمی تصویریں نمایاں تھیں۔ احتجاجی مظاہرے میں پاکستان کی سکھ برادری، ہندو برادری اور مسیحی برادری نے بھی شرکت کی۔ احتجاجی مظاہرے سے فلسطین فاؤنڈیشن پاکستان کے سیکرٹری جنرل ڈاکٹر صابر ابو مریم، جماعت اسلامی کے مسلم پرویز، پاکستان مسلم لیگ نواز کے رہنما نہال ہاشمی، جمعیت علماء پاکستان کے علامی قاضی احمد نورانی، سکھ برادری کے سردار مگھن سنگھ، سردار ارجن سنگھ، ہندو برادری کے منوج چوہان، پنڈت گو سوہامی وجے مہاراج، پنڈت اشوک ناتھ اور مسیحی رہنما پاسٹر امانوئیل، عوامی نیشنل پارٹی کے یونس بونیری، پاکستان تحریک انصاف کے اسرار عباسی، ارم بٹ، پاکستان عوامی تحریک کے ثاقب نوشاہی، جمعیت اہلحدیث کے رہنما مفتی مرتضی رحمانی، پاکستان مرکزی مسلم لیگ کے انجینئر نعمان علی، ہیومن رائٹس کونسل کے جمشید حسین، یوتھ آف فلسطین کے عمر ندیم، معروف مذہبی اسکالر معاذ نظامی، خلیل نورانی، عبد الوحید یونس سمیت خالدہ اقبال، گل نجف اور فوزیہ اعظمی نے خطاب کیا۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial