QR Code
مرکزی جلوس اربعین حسینیؑ کراچی، لاپتا شیعہ افراد کے اہلخانہ کا احتجاج، ویڈیو رپورٹ
10 Sep 2023 11:42
اسلام ٹائمز: احتجاجی مظاہرے میں مولانا محمد امین شہیدی، مولانا حافظ سید محمد حیدر نقوی، مولانا سید حیدر عباس عابدی، مولانا عقیل موسی، مولانا صادق جعفری، علامہ مبشر حسن سمیت ملت جعفریہ سے تعلق رکھنے والے دیگر علماء کرام بھی شریک تھے۔
رپورٹ: سید ظفر جعفری
شہر قائد میں اربعن حسینیؑ کے مرکزی جلوس عزاء میں جبری گمشدہ شیعہ افراد کے اہلخانہ نے اپنے پیاروں کی عدمل بازیابی کے خلاف احتجاجی مظاہرہ کیا۔ ایم اے جناح روڈ پر امام بارگاہ علی رضاؑ کے سامنے نماز دوران مرکزی جلوس اربعین حسینیؑ کے بعد جبری گمشدہ شیعہ افراد کے اہلخانہ کی جانب سے کئے گئے احتجاج میں مرد و خواتین، لاپتہ شیعہ افراد کے معصوم بچے بھی موجود تھے۔ جبری گمشدہ شیعہ افراد کے کمسن بچوں نے احتجاجاً اپنے ہاتھوں کو رسی سے باندھا اور ہونٹوں کو ٹیپ سے بند کر رکھا تھا۔ احتجاجی مظاہرے میں مولانا محمد امین شہیدی، مولانا حافظ سید محمد حیدر نقوی، مولانا سید حیدر عباس عابدی، مولانا عقیل موسی، مولانا صادق جعفری، علامہ مبشر حسن سمیت ملت جعفریہ سے تعلق رکھنے والے دیگر علماء کرام بھی شریک تھے۔ لاپتا شیعہ افراد کے اہلخانہ سے اظہار یکجہتی کرنے کیلئے احتجاجی کیمپ میں بھی علمائے کرام سمیت بڑی تعداد میں عزداران امام حسینؑ نے شرکت کی۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial
خبر کا کوڈ: 1080861