QR Code

کوئٹہ، فاطمیہ اسلامک سینٹر کی جانب سے ونٹر کیمپ کی اختتامی تقریب کا انعقاد

26 Feb 2023 23:01

اسلام ٹائمز: ونٹر کیمپ کی اختتامی تقریب کا انعقاد علمدار روڈ میں مسجد و امامبارگاہ نچاری میں کیا گیا۔ جس میں ونٹر کیمپ کے دوران اچھی کارکردگی دکھانے والے طلباء میں انعامات اور تحائف تقسیم کئے گئے

رپورٹ: اعجاز علی

علمدار روڈ پر واقع دینی درسگاہ فاطمیہ اسلامک سینٹر کی جانب سے ونٹر کیمپ کی اختتامی تقریب کا انعقاد علمدار روڈ میں مسجد و امامبارگاہ نچاری میں کیا گیا۔ جس میں ونٹر کیمپ کے دوران اچھی کارکردگی دکھانے والے طلباء میں انعامات اور تحائف تقسیم کئے گئے۔ تقریب میں طلباء نے کثیر تعداد میں شرکت کی، جبکہ انکے والدین بھی انکی حوصلہ افزائی کیلئے تقریب میں شریک ہوئے۔ اس موقع پر ونٹر کیمپ میں دروس دینے والے علمائے دین اور ساتذہ بھی موجود تھے۔ امام جمعہ کوئٹہ علامہ غلام حسنین وجدانی اور ڈاکٹر علامہ محمد موسیٰ حسینی نے تقریب کے شرکاء سے خطاب کیا۔ تقسیم انعامات کی تقریب میں طلباء کیلئے شیلڈز اور کتابوں سمیت دیگر انعامات و تحائف تیار کئے گئے تھے۔ تقریب کے آخر میں قرآن کریم کی تلاول اور دیگر مقابلوں میں نمایا کارکردگی دکھانے اور پوزیشن لینے والے طلباء کی حوصلہ افزائی کیلئے ان میں انعامات تقسیم کئے گئے۔ قارئین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial/

خبر کا کوڈ: 1043689