اسلام ٹائمز - فلسطین فاؤنڈیشن کے تحت کراچی میں عالمی فلسطین کانفرنس

فلسطین فاؤنڈیشن کے تحت کراچی میں عالمی فلسطین کانفرنس

اسلام ٹائمز: کانفرنس میں مختلف ممالک بشمول انڈونیشیا، ملائیشیاء، ایران، روس، مراکش، یمن، اردن کے قونصل جنرل صاحبان بشمول ڈاکٹر جون، حرمن حردیانتا، حسن نوریان، مرزا اشتیاق بیگ، مرزا اختیار بیگ، سٹانسلوو نے خصوصی شرکت کی۔ کانفرنس کی صدارت پاکستان پیپلز پارٹی کی رہنما اور صوبائی وزیر برائے خواتین شہلا رضا نے کی۔ کانفرنس میں وزیراعلی سندھ کے مشیر برائے انسانی حقوق سریندر ولاسی، معروف دفاعی تجزیہ نگار بریگیڈیئر (ر) حارث نواز، پاکستان تحریک انصاف کے رہنما فردوس شمیم، جماعت اسلامی کے مرکزی نائب امیر لیاقت بلوچ، مجلس وحدت مسلمین پاکستان کے مرکزی وائس چیئرمین علامہ احمد اقبال رضوی اور فلسطین فاؤنڈیشن پاکستان کے سیکرٹری جنرل ڈاکٹر صابر ابومریم نے خطاب کیا۔

رپورٹ: ایس ایم عابدی

فلسطین فاؤنڈیشن پاکستان کے زیر اہتمام کراچی کے مقامی ہوٹل میں عالمی فلسطین کانفرنس بعنوان ”مسئلہ فلسطین کا پر امن اور منصفانہ حل“ کا انعقاد کیا گیا۔ کانفرنس میں مختلف ممالک بشمول انڈونیشیا، ملائیشیاء، ایران، روس، مراکش، یمن، اردن کے قونصل جنرل صاحبان بشمول ڈاکٹر جون، حرمن حردیانتا، حسن نوریان، مرزا اشتیاق بیگ، مرزا اختیار بیگ، سٹانسلوو نے خصوصی شرکت کی۔ کانفرنس کی صدارت پاکستان پیپلز پارٹی کی رہنما اور صوبائی وزیر برائے خواتین شہلا رضا نے کی۔ کانفرنس میں وزیراعلی سندھ کے مشیر برائے انسانی حقوق سریندر ولاسی، معروف دفاعی تجزیہ نگار بریگیڈیئر (ر) حارث نواز، پاکستان تحریک انصاف کے رہنما فردوس شمیم، جماعت اسلامی کے مرکزی نائب امیر لیاقت بلوچ، مجلس وحدت مسلمین پاکستان کے مرکزی وائس چیئرمین علامہ احمد اقبال رضوی اور فلسطین فاؤنڈیشن پاکستان کے سیکرٹری جنرل ڈاکٹر صابر ابومریم نے خطاب کیا۔ کانفرنس کی میزبانی کے فرائض معروف صحافی و اینکر پرسن اویس ربانی نے انجام دیئے۔ کانفرنس سے خطاب کرتے ہوئے مقررین نے کہا کہ امام خمینیؒ نے فلسطین پر قائم کی جانے والی صہیونی ریاست اسرائیل کو مسلم امہ کے قلب میں ایک کینسر قرار دیا ہے، جب تک یہ کینسر ختم نہیں ہوتا اصل مرض کا علاج نہیں ہو پائے گا، فلسطینی مزاحمت عنقریب کامیاب ہوگی اور فلسطین کی آزادی یقینی ہے، انشاءاللہ یہ دنیا بہت جلد اسرائیل کی نابودی دیکھے گی۔ کانفرنس سےخطاب میں مقررین کا کہنا تھا کہ فلسطینی مزاحمت کی ہر سطح پر حمایت کا اعلان کرتے ہیں، مظلوم فلسطینی عوام پر اسرائیلی جارحیت کے خلاف امت مسلمہ یکجا ہیں، گریٹر اسرائیل کا خواب چکنا چور ہوچکا ہے، اسرائیل خوف کا شکار ہے اور اپنے گرد دیواریں کھٹری کرچکا ہے، فلسطینی سرزمین سے اسرائیلی ناسور کے خاتمے تک جدوجہد جاری رکھیں گے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial