QR Code
پاکستان سُنی تحریک کا عشق رسول (ص) سیمینار یکم دسمبر کو منعقد ہوگا
30 Nov 2013 15:48
اسلام ٹائمز: پاکستان سُنی تحریک کے ترجمان کے مطابق سیمینار کی تمام تیاریاں مکمل ہو چکی ہیں جبکہ ضلعی صدر علامہ طاہر اقبال چشتی کی زیر نگرانی مختلف انتظامی امور کے لیے کمیٹیاں بھی تشکیل دے دی گئی ہیں۔
اسلام ٹائمز۔ پاکستان سُنی تحریک کے زیر اہتمام یکم دسمبر کو عظیم الشان عشق رسول (ص) سیمینار کا انعقاد کیا جائے گا۔ راولپنڈی پریس کلب ہال میں منعقد ہونے والے اس سیمینار میں تحفظ ناموس رسالت قانون میں مجوزہ ترامیم، سزائے موت کے قانون پر عمل درآمدکے التوا، ملک میں قادیانیوں کی بڑھتی ہوئی غیر قانونی سرگرمیوں اور فرقہ ورانہ انتہاپسندی کیخلاف لائحہ عمل کا اعلان کیا جائے گا جبکہ جبکہ عظیم عاشق رسول غازی ممتاز حسین قادری کو زبردست خراج تحسین پیش کیاجائے گا۔ پاکستان سُنی تحریک کے ترجمان کے مطابق سیمینار کی تمام تیاریاں مکمل ہو چکی ہیں جبکہ ضلعی صدر علامہ طاہر اقبال چشتی کی زیر نگرانی مختلف انتظامی امور کے لیے کمیٹیاں بھی تشکیل دے دی گئی ہیں۔ عشق رسول (ص) سیمینار میں چیئرمین سُنی علماء بورڈ مفتی غفران محمودسیالوی خطاب کریں گے جبکہ جید علماء و مشائخ، ممتاز مذہبی سکالر، سیاسی وسماجی رہنماﺅں سمیت وکلاء اور طلباء رہنما خصوصی شرکت کریں گے۔ تمام عشاقان رسول (ص) سے شرکت کی اپیل کی جاتی ہے۔
خبر کا کوڈ: 326095