QR Code

غزہ جنگ بندی, اسرائیل اور حماس کے درمیان قیدیوں کا تیسرا تبادلہ کل ہوگا

29 Jan 2025 22:22

حماس کے عسکری ونگ القسام بریگیڈ کے ترجمان ابو عبیدہ کے مطابق حماس کی جانب سے کل 3 اسرائیلیوں کو رہا کیا جائے، جن میں 19 سالہ خاتون فوجی اہلکار اگم برجر بھی شامل ہے۔ کل رہا ہونیوالے اسرائیلوں میں 29 سالہ خاتون اربل یہود اور 80 سالہ مرد گیڈی موشے موزس بھی شامل ہیں۔

اسلام ٹائمز۔ غزہ جنگ بندی معاہدے کے تحت فلسطینی مزاحمتی تنظیم حماس اور اسرائیل کے درمیان قیدیوں کا تیسرا تبادلہ کل ہوگا۔ حماس کے عسکری ونگ القسام بریگیڈ کے ترجمان ابو عبیدہ کے مطابق حماس کی جانب سے کل 3 اسرائیلیوں کو رہا کیا جائے، جن میں 19 سالہ خاتون فوجی اہلکار اگم برجر بھی شامل ہے۔ کل رہا ہونے والے اسرائیلوں میں 29 سالہ خاتون اربل یہود اور 80 سالہ مرد گیڈی موشے موزس بھی شامل ہیں۔

اسرائیلی وزیراعظم کے دفتر کی جانب سے جاری ہونے والے بیان کے مطابق کل حماس کی جانب سے 5 تھائی باشندوں کو بھی رہا کیا جائے گا۔ عرب میڈیا کے مطابق اسرائیلی شہریوں کی رہائی کے بدلے اسرائیلی جیلوں میں قید 110 فلسطینیوں کو رہا کیا جائے گا۔ کل رہا ہونے والے 110 فلسطینی قیدیوں میں عمر قید کے 32 قیدی جبکہ 30 بچے بھی شامل ہیں۔

خبر کا کوڈ: 1187462