QR Code

یحییٰ سنوار کو شہید کرنیوالے اسرائیلی فوجی کی شناخت سامنے آگئی

8 Jan 2025 21:37

فلسطینی نوجوانوں کے ایک گروہ نے انکشاف کیا ہے کہ اسرائیلی فوجی اسحاق کوہن، وہ شخص ہے جو حماس کے رہنماء یحییٰ سنوار کے قتل میں ملوث تھا۔

اسلام ٹائمز۔ فلسطینی نوجوانوں نے حماس کے سربراہ یحییٰ سنوار کو شہید کرنے والے اسرائیلی فوجی کی شناخت سے متعلق انکشاف کردیا۔ القدس نیوز کے مطابق سوشل میڈیا پر جاری ایک ویڈیو میں فلسطینی نوجوانوں نے اسرائیلی فوجی کی شناخت ظاہر کی ہے۔ فلسطینی نوجوانوں کے ایک گروہ نے انکشاف کیا ہے کہ اسرائیلی فوجی اسحاق کوہن، وہ شخص ہے جو حماس کے رہنماء یحییٰ سنوار کے قتل میں ملوث تھا۔

انہوں نے اس حوالے سے ایک ویڈیو سوشل میڈیا پر شیئر کی ہے، جس میں اسرائیلی فوجی کی شناخت کی تفصیل دی گئی ہے جبکہ ویڈیو میں ایک کال ریکارڈنگ بھی شامل ہے۔ ویڈیو میں اسرائیلی فوجی کی شناخت کی مزید تفصیلات بھی فراہم کی گئی ہیں، جن میں اس کے خاندان کی تصاویر، اس کی حرکات کی معلومات اور فلسطینی علاقوں میں "ابو ابراہیم کے بیٹوں" کی طرف سے ایک براہ راست پیغام بھی شامل ہے۔ خیال رہے کہ حماس کے رہنماء یحییٰ سنوار کو ان کے گروہ میں ابو ابراہیم کے طور پر یاد کیا جاتا ہے۔

خبر کا کوڈ: 1183216