QR Code

بدقسمتی سے کچھ لوگ پانی کے مسئلے پر سیاست کررہے ہیں، مرتضیٰ وہاب

31 Dec 2024 03:20

میئر کراچی کا میڈیا سے گفتگو کرتے ہوئے کہنا تھا کہ کچھ لوگ نہیں چاہتے پانی کا مسئلہ حل ہو، وعدہ کیا تھا بلاول آئے گا کراچی میں پانی لائے گا، پیپلزپارٹی کی حکمرانی میں کراچی والوں کو پانی فراہم کیا جائے گا۔

اسلام ٹائمز۔ میئر کراچی مرتضیٰ وہاب نے کہا کہ بدقسمتی سے کچھ لوگ پانی کے مسئلے پر سیاست کررہے ہیں۔ میئر کراچی مرتضیٰ وہاب نے میڈیا سے گفتگو کرتے ہوئے کہا کہ کچھ لوگ نہیں چاہتے پانی کا مسئلہ حل ہو، وعدہ کیا تھا بلاول آئے گا کراچی میں پانی لائے گا، پیپلزپارٹی کی حکمرانی میں کراچی والوں کو پانی فراہم کیا جائے گا۔

مرتضیٰ وہاب نے کہا کہ حب کی لائن پر تیزی سے کام جاری ہے، وزیراعلیٰ سندھ آج حب ڈیم کا معائنہ کریں گے، شہریوں کو ریلیف دینا اولین ترجیح ہے، وسائل کو کراچی کے عوام کی فلاح وبہبود کیلئے خرچ کر رہے ہیں۔ ان کا مزید کہنا تھا کہ پیپلزپارٹی اور وفاقی حکومت میں کبھی دوری نہیں ہوسکتی، گلے شکوے زندگی کا حصہ ہیں۔

خبر کا کوڈ: 1181519