اسلام ٹائمز - ریزرویشن معاملے کو لیکر کشمیری طلباء کا عمر عبداللہ سے یقین دہانی کا مطالبہ

ریزرویشن معاملے کو لیکر کشمیری طلباء کا عمر عبداللہ سے یقین دہانی کا مطالبہ

ایک طالبعلم کارکن عمر جمال نے کہا کہ وزیراعلیٰ کا وعدہ یقینی کامیابی سے دور ہے اور اس میں سنجیدگی کا فقدان ہے۔

اسلام ٹائمز۔ جموں و کشمیر کے وزیراعلٰی عمر عبداللہ کی طرف سے چھ ماہ میں جموں و کشمیر ریزرویشن پالیسی پر نظرثانی کی رپورٹ پیش کرنے کے وعدے کے بعد طلاب نے اپنا احتجاج ختم کر دیا ہے۔ سرینگر میں گپکار روڈ پر واقع وزیراعلٰی کی رہائشگاہ کے باہر غیر منصفانہ پالیسی کے خلاف احتجاج کر رہے طلبہ کے وفد کو وزیراعلیٰ عمر عبداللہ نے سرینگر میں ملاقات کے لئے بلایا۔ ان طلبہ اور کارکنوں کا کہنا ہے کہ حکومت ہو یا حکمران جماعت، نیشنل کانفرنس نے ان یقین دہانیوں کے بارے میں کوئی سرکاری بیان جاری نہیں کیا ہے، جو وزیراعلٰی نے انہیں پیر کو اپنی سرکاری رہائشگاہ پر ان سے ملاقات کے دوران دی تھیں۔ سرینگر سے نیشنل کانفرنس کے رکن پارلیمنٹ آغا سید روح اللہ مہدی نے پیر کے روز وزیراعلٰی کی رہائشگاہ کے باہر سینکڑوں طلبہ اور کارکنوں کے ساتھ ریزرویشن کے قوانین پر نظرثانی کے لیے احتجاج کی قیادت کی۔

جموں و کشمیر میں عام زمرے کی آبادی جو اس پر نظرثانی کا مطالبہ کر رہی ہے، ان قوانین کو امتیازی قرار دے رہی ہے۔ ترمیم شدہ قوانین سرکاری ملازمتوں میں 40 فیصد سے کم نشستیں اور پیشہ ورانہ کالجوں میں عام زمرے کی آبادی کو داخلہ دیتے ہیں، جو 2011ء کی مردم شماری کے مطابق 69 فیصد سے زیادہ ہے۔ نئے قوانین جموں و کشمیر میں آبادی کے مختلف زمروں کو ریزرویشن دیتے ہیں اور ریزرویشن کی فہرست میں کئی نئی ذاتوں اور قبائل کو شامل کیا گیا ہے۔ عوامی دباؤ کے تحت حکومت نے قواعد کا جائزہ لینے کے لئے کابینہ کی ذیلی کمیٹی تشکیل دی ہے اور جس کی رپورٹ چھ ماہ کے اندر آنے کی امید ہے۔ جموں و کشمیر اور لداخ ہائی کورٹ میں قواعد کی جانچ پڑتال کی جا رہی ہے، جہاں کچھ کارکنوں کی طرف سے 2021ء کے ریزرویشن قوانین کے خلاف ایک عرضی دائر کی گئی ہے۔

غور طلب ہے کہ مظاہروں کو پُرسکون کرنے اور روکنے کے لئے وزیراعلیٰ عمر عبداللہ نے اپنی رہائشگاہ پر طلبہ اور کارکنوں سے ملاقات کی۔ عمر عبداللہ نے طلبہ اور کارکنوں سے ملاقات کے بعد اپنے سوشل میڈیا ہینڈلز پر لکھا کہ "آج میں نے اوپن میرٹ اسٹوڈنٹس ایسوسی ایشن کے نمائندوں سے ملاقات کی، بات چیت جمہوریت کی خوبصورتی اور حق ہے، میں نے ان سے کچھ درخواستیں کی ہیں اور انہیں کئی یقین دہانیاں کرائی ہیں۔ ترسیل کا یہ چینل بغیر کسی ثالث یا ہینگرز کے ہمیشہ کھلا رہے گا"۔ انہوں نے کہا کہ طلبہ اور کارکن اس بات پر قائل نہیں ہیں اور انہیں خدشہ ہے کہ حکومت اس تنازع کو حل کرنے کے لئے کچھ بھی کر رہی ہے۔ ایک طالب علم کارکن عمر جمال نے کہا کہ وزیراعلیٰ کا وعدہ یقینی کامیابی سے دور ہے اور اس میں سنجیدگی کا فقدان ہے۔