QR Code
کے پی حکومت کا صوبے میں قائم ہر چرچ کو پانچ لاکھ روپے دینے کا اعلان
23 Dec 2024 21:35
خیبر پختونخوا علی امین گنڈاپور کی زیر صدارت صوبائی کابینہ کا اجلاس ہوا جس میں وزیراعلیٰ علی امین گنڈاپور نے کرسمس کے موقع پر صوبے بھر کے چرچوں کے لیے چار کروڑ روپے کی خصوصی گرانٹ کا اعلان کردیا۔
اسلام ٹائمز۔ خیبر پختونخوا حکومت نے صوبے بھر کے تمام 80 چرچز کو فی چرچ پانچ لاکھ روپے دینے کا اعلان کردیا۔ وزیراعلیٰ ہاؤس سے جاری بیان کے مطابق وزیر اعلی خیبر پختونخوا علی امین گنڈاپور کی زیر صدارت صوبائی کابینہ کا اجلاس ہوا جس میں وزیراعلیٰ علی امین گنڈاپور نے کرسمس کے موقع پر صوبے بھر کے چرچوں کے لیے چار کروڑ روپے کی خصوصی گرانٹ کا اعلان کردیا۔ کابینہ نے فیصلہ کیا کہ کرسمس کے موقع پر صوبے میں قائم 80 چرچز کو فی چرچ پانچ لاکھ روپے دیے جائیں گے۔
وزیراعلیٰ نے کہا کہ یہ رقم فوری طور پر چرچز کو جاری کی جائے، صوبائی حکومت مسیحی برادری کی خوشیوں میں برابر کی شریک ہے۔ مشیر اطلاعات بیرسٹر سیف نے کہا ہے کہ کرسمس کے موقع پر تمام چرچز کو مالی تحفہ دینے کا فیصلہ کیا گیا ہے، صوبے بھر کے چرچز کو کرسمس کے موقع پر 5 لاکھ روپے بطور تحفہ فراہم کیے جائیں گے، یہ فیصلہ اقلیتوں کے ساتھ یکجہتی کے لیے کیا گیا ہے۔
خبر کا کوڈ: 1180024