QR Code
جنوبی وزیرستان، دہشتگردوں کے حملے میں پاک فوج کے 16 جوان شہید
21 Dec 2024 23:17
آئی ایس پی آر کے مطابق جنوبی وزیرستان میں خارجی دہشت گردوں نے چیک پوسٹ پر حملہ کر دیا، جس کے نتیجے میں 16 جوان شہید جبکہ جوابی کارروائی میں 8 دہشت گرد مارے گئے۔
اسلام ٹائمز۔ جنوبی وزیرستان میں خارجی دہشت گردوں نے چیک پوسٹ پر حملہ کر دیا، جس کے نتیجے میں 16 جوان شہید جبکہ جوابی کارروائی میں 8 دہشت گرد مارے گئے۔ پاک فوج کے شعبہ تعلقات عامہ (آئی ایس پی آر) نے بتایا کہ 20 اور 21 دسمبر کی درمیانی شب خوارج کے ایک گروپ نے جنوبی وزیرستان کے ضلع مکین کے عمومی علاقے میں سیکیورٹی فورسز کی چیک پوسٹ پر حملہ کرنے کی کوشش کی۔ آئی ایس پی آر کے مطابق سیکیورٹی فورسز نے حملے کو مؤثر طریقے سے ناکام بنا دیا اور فائرنگ کے تبادلے میں 8 خارجی دہشت گردوں کو ہلاک کر دیا۔ آئی ایس پی آر کا کہنا تھا کہ تاہم شدید فائرنگ کے تبادلے کے دوران 16 بہادر جوانوں نے بہادری سے لڑتے ہوئے شہادت کو گلے لگا لیا۔
خبر کا کوڈ: 1179682