اسلام ٹائمز - برلن، گرفتار مشتبہ حملہ آور اسلام مخالف خیالات کا حامی ہے، جرمن وزیر داخلہ

برلن، گرفتار مشتبہ حملہ آور اسلام مخالف خیالات کا حامی ہے، جرمن وزیر داخلہ

اپنے ایک بیان میں جرمن وزیر داخلہ نینسی فیزر کا کہنا تھا کہ حملے کے محرکات کے بارے میں ابھی کوئی قیاس آرائی نہیں کرنا چاہتے۔ اس بات کی تصدیق کی جاسکتی ہے کہ مشتبہ حملہ آور اسلام مخالف مؤقف رکھتا تھا۔

اسلام ٹائمز۔ جرمنی کے شہر برلن کی کرسمس مارکیٹ میں پیش آئے واقعے پر جرمن وزیر داخلہ کا کہنا ہے کہ گرفتار مشتبہ حملہ آور اسلام مخالف خیالات کا حامی ہے۔ اپنے ایک بیان میں جرمن وزیر داخلہ نینسی فیزر نے کہا کہ کرسمس مارکیٹ واقعے کے مشتبہ حملہ آور کو اسلامو فوبک کے طور پر لیں گے۔ انہوں نے مزید کہا کہ حملے کے محرکات کے بارے میں ابھی کوئی قیاس آرائی نہیں کرنا چاہتے۔ اس بات کی تصدیق کی جاسکتی ہے کہ مشتبہ حملہ آور اسلام مخالف مؤقف رکھتا تھا۔

واضح رہے کہ اس سے قبل جرمن اخبار نے مشتبہ حملہ آور کے جرمنی کی دائیں بازو کی جماعت کے حامی ہونے کا بتایا تھا۔ 2019ء میں سعودی مشتبہ حملہ آور نے خود کو اسلام مخالف کارکن کہا تھا۔ خیال رہے کہ ایک روز قبل جرمنی کے شہر ماکدے برگ میں ایک شخص نے گاڑی ہجوم پر چڑھا دی تھی، جس کے نتیجے میں 5 افراد ہلاک ہوگئے تھے۔ واقعے میں 200 سے زائد افراد زخمی بھی ہوئے تھے۔ زخمیوں میں 40 کی حالت تشویشناک ہے۔ جرمن حکام نے بتایا تھا کہ کرسمس بازار پر حملے میں ملوث سعودی شہری کو گرفتار کرلیا گیا، جو پیشے کے لحاظ سے ڈاکٹر ہے اور 2006ء سے جرمنی میں رہائش پذیر ہے۔