اسلام ٹائمز - ڈیجیٹل نیشن پاکستان بل کیا ہے؟ بنیادی تفصیلات سامنے آ گئیں

ڈیجیٹل نیشن پاکستان بل کیا ہے؟ بنیادی تفصیلات سامنے آ گئیں

ہر شہری کا نادرا، ایف بی آر اور ایس ای سی پی میں موجود ریکارڈ حتی کہ بجلی گیس کے بلز کی تفصیل اور بینک اکاؤنٹ سے ہونیوالی ہر ٹرانزیکشن بھی اس آئی ڈی میں فیڈ ہو گی۔ حکومت کا دعویٰ ہے کہ اس سے شہریوں کو آسانی میسر آئے گی اور وہ مزید بااختیار ہوں گے۔

اسلام ٹائمز۔ ڈیجیٹل نیشن بل پاکستان کے مطابق متعلقہ شخص کی تمام ذاتی اور مالی تفصیلات ایک کلک پر دستیاب ہوں گی، یعنی ہر شہری کا نادرا، ایف بی آر اور ایس ای سی پی میں موجود ریکارڈ حتی کہ بجلی گیس کے بلز کی تفصیل اور بینک اکاؤنٹ سے ہونیوالی ہر ٹرانزیکشن بھی اس آئی ڈی میں فیڈ ہو گی۔ حکومت کا دعویٰ ہے کہ اس سے شہریوں کو آسانی میسر آئے گی اور وہ مزید بااختیار ہوں گے۔ وزیر مملکت آئی ٹی شزا فاطمہ خواجہ کا کہنا ہے کہ شہری شناختی کارڈ، پاسپورٹ ہر سہولت فون پر استعمال کر سکے گا، تصدیق شدہ ڈاکیومنٹ اور ڈیجیٹل طریقے سے بزنس رجسٹرڈ کر سکیں گے۔ اس بل سے ریاست سے طاقت واپس عوام کو دی جا رہی ہے، ڈیٹا انٹر آپٹبل ابیلٹی سے سپائن کا کوئی تعلق نہیں، نئے قانون سے پاکستان کی ڈیجیٹلائزیشن کا سفر شروع اور معیشت کو باضابطہ بنانے کا عمل تیز ہوگا۔