QR Code
اسلام آباد میں علامہ شبیر حسن میثمی سے عمائدین پاراچنار اور لیاقت بلوچ کی اہم ملاقات
18 Dec 2024 20:27
اس ملاقات میں موجودہ ملکی و پاراچنار کی حالیہ صورتحال، ایئر ایمبولینس، زخمیوں کی پشاور آمد اور علاج معالجے کے سلسلے میں تفصیلی تبادلہ خیال بھی ہوا، سیکرٹری جنرل نے مختلف امور پر مسلسل کوششوں کے حوالے سے وفود کو آگاہ بھی کیا۔
اسلام ٹائمز۔ شیعہ علماء کونسل پاکستان کے سیکرٹری جنرل علامہ ڈاکٹر شبیر حسن میثمی سے جامعۃ الکوثر اسلام آباد میں عمائدین پاراچنار اور ملی یکجہتی کونسل پاکستان کے سیکرٹری جنرل جناب لیاقت بلوچ کی اہم ملاقات ہوئی، اس ملاقات میں موجودہ ملکی و پاراچنار کی حالیہ صورتحال، ایئر ایمبولینس، زخمیوں کی پشاور آمد اور علاج معالجے کے سلسلے میں تفصیلی تبادلہ خیال بھی ہوا۔
شیعہ علماء کونسل پاکستان کے سیکرٹری جنرل نے مختلف امور پر مسلسل کوششوں کے حوالے سے وفود کو آگاہ بھی کیا۔ آخر میں تمام مسائل و مشکلات کے سلسلے میں اجتماعی دعا بھی کی گئی، اس موقع پر سیکرٹری اطلاعات زاہد علی آخونزادہ بھی سیکرٹری جنرل کے ہمراہ موجود تھے۔
خبر کا کوڈ: 1179130