QR Code

ہمارے اور امریکہ کے درمیان میزائل و ڈرونز کا پیغام ہے، محمد علی الحوثی

17 Dec 2024 22:28

اپنے ایک بیان میں یمن کی سپریم پولیٹیکل کونسل کے رکن کا کہنا تھا کہ اس وقت امریکہ نے جتنا پیسہ اسرائیل کو بچانے میں خرچ کیا ہے، 2015ء میں خلیج فارس کے عرب ممالک نے اس سے کہیں زیادہ امریکی اسلحہ خریدنے پر صرف کر دیا تھا۔

اسلام ٹائمز۔ یمن کی سپریم پولیٹیکل کونسل کے رکن "محمد علی الحوثی" نے کہا کہ غزہ میں جتنی بھی قتل و غارت گری دیکھنے میں آ رہی ہے اس سے پہلے یمن میں امریکی-سعودی-اماراتی اتحاد کے ذریعے جاری تھی۔ انہوں نے کہا کہ امریکی-برطانوی اتحاد ہمیں غزہ کی مدد سے نہیں روک سکتا۔ محمد علی الحوثی نے اس بات کی وضاحت کی کہ اس وقت امریکہ نے جتنا پیسہ اسرائیل کو بچانے میں خرچ کیا ہے، 2015ء میں خلیج فارس کے عرب ممالک نے اس سے کہیں زیادہ امریکی اسلحہ خریدنے پر صرف کر دیا تھا۔ انہوں نے کہا کہ اگر امریکہ چاہتا ہے کہ ہم فلسطینیوں کی مدد سے پیچھے ہٹ جائیں تو وہ غزہ پر اپنے حملے بند کرے۔ انہوں نے کہا کہ یمن پر کسی بھی صیہونی حماقت کے نتیجے میں ہماری کارروائیاں کم نہیں ہوں گی۔ ہم اسرائیلی دھمکیوں کو کوئی اہمیت نہیں دیتے۔ اسرائیلی اس بات کا اعتراف کرتے ہیں کہ الحدیدہ پر صیہونی حملوں کے باوجود غزہ کے لئے یمن کی حمایت میں کوئی کمی نہیں آئی۔
 

خبر کا کوڈ: 1178916