QR Code
پانی کے وسائل کو محفوظ بنانے کیلئے اہم اقدامات کرنا ہونگے، شہباز شریف
4 Dec 2024 01:29
سعودی عرب کے دارالحکومت ریاض میں ون واٹر سربراہی اجلاس سے خطاب کرتے ہوئے وزیراعظم کا کہنا تھا کہ پانی کی کمی سے خشک سالی بڑھ رہی ہے، پانی کی کمی کو پورا کرنے کے لیےعالمی سطح پر اقدامات کی ضرورت ہے۔
اسلام ٹائمز۔ وزیراعظم شہباز شریف نے کہا کہ پانی کے وسائل کو محفوظ بنانے کیلئے اہم اقدامات کرنا ہونگے۔ سعودی عرب کے دارالحکومت ریاض میں ون واٹر سربراہی اجلاس سے خطاب کرتے ہوئے وزیراعظم شہباز شریف نے کہا کہ پانی کی کمی سے خشک سالی بڑھ رہی ہے، پانی کی کمی کو پورا کرنے کے لیےعالمی سطح پر اقدامات کی ضرورت ہے۔ انہوں نے کہا کہ پاکستان موسمیاتی تبدیلی سے سب سے زیادہ متاثر ہوا، 2022ء کے سیلاب نے پاکستان میں بہت تباہی مچائی۔
وزیراعظم شہباز شریف نے موسمیاتی تبدیلیوں اور دیگر اقدامات سمیت ویژن 2030ء پر سعودی ولی عہد محمد بن سلمان کو شاندار الفاظ میں خراج تحسین پیش کیا۔ قبل ازیں سعودی عرب کے شہر ریاض پہنچنے پر ریاض کے نائب گورنر شہزادہ محمد بن عبدالرحمان بن عبد العزیز نے وزیراعظم کا کنگ خالد انٹرنیشنل ایئرپورٹ پر استقبال کیا، پاکستان کے سعودی عرب میں سفیر احمد فاروق، پاکستانی و سعودی اعلیٰ حکام بھی موجود تھے۔
خبر کا کوڈ: 1176430