عالمی حمایت یافتہ دہشتگردوں کا حلب یونیورسٹی پر حملہ، 4 طلباء شہید

اسلام ٹائمز۔ شامی حکومت کے خلاف برسر پیکار عالمی حمایت یافتہ دہشتگردوں نے آج حلب یونیورسٹی کو اپنی بمباری کا نشانہ بنایا ہے۔

شامی سرکاری خبررساں ایجنسی سانا کے مطابق حلب یونیورسٹی پر ہونے والے دہشتگردوں کے آرٹلری حملے میں کم از کم 4 طالب علم شہید ہوئے ہیں۔ قبل ازیں شامی ریڈیو نے حلب یونیورسٹی پر دہشتگردوں کے زمینی حملے کی خبر دی تھی جسے بظاہر پسپا کر دیا گیا تھا۔

ادھر عالمی حمایت یافتہ دہشتگردوں کے ساتھ منسلک ''شام مخالف مسلح اپوزیشن ملٹری آپریشنز'' نامی تنظیم نے بھی خان طومان، زیتان، معردبسہ اور برنہ نامی علاقوں سمیت حلب کے گرد نواح میں واقع متعدد علمی و تحقیقاتی مراکز پر اپنے کنٹرول کا دعوی کیا ہے۔