QR Code

بشریٰ بی بی کا سیاسی کردار نہیں وہ خود ڈی چوک آئیں، بیرسٹر گوہر

29 Nov 2024 23:26

ایک بیان میں چیئرمین پی ٹی آئی نے کہا کہ پی ٹی آئی الگ اور خیبرپختونخوا حکومت دو الگ چیزیں ہیں، پی ٹی آئی کو کمزور کرنے کی کوشش کرنے والے غلط خبریں پھیلاتے ہیں، سلمان اکرم راجہ کا استعفیٰ ابھی منظور نہیں ہوا، بانی تک رسائی نہیں اسی لیے استعفیٰ منظور نہیں ہوا ہے۔

اسلام ٹائمز۔ چیئرمین پی ٹی آئی بیرسٹر گوہر کا کہنا ہے کہ بشریٰ بی بی کا سیاسی کردار نہیں وہ خود ڈی چوک آئیں۔ تفصیلات کے مطابق چیئرمین پی ٹی آئی بیرسٹر گوہر کا کہنا ہے کہ بشریٰ بی بی کا کوئی سیاسی کردار نہیں ہے انہوں نے خود احتجاج میں شرکت کی حامی بھری۔ انہوں نے کہا کہ ذمہ داران بتائیں ہمارے احتجاج کے لیے سزائے موت کیوں؟ پاکستان تحریک انصاف ایک ذمہ دار جماعت ہے، کسی کو تخریب کار اور قاتل لیگ نہیں کہا۔ انہوں نے کہا کہ آئندہ کا لائحہ عمل بانی پی ٹی آئی سے مشاورت سے دوں گا۔

بیرسٹر گوہر نے کہا کہ دھرنے میں کسی رہنما کو کنٹینر پر پہنچنے کا نہیں کہا، ہمارے ارکان اسمبلی بانی پی ٹی آئی اور نظریے کے ساتھ تھے۔ انہوں نے کہا کہ پی ٹی آئی الگ اور خیبرپختونخوا حکومت دو الگ چیزیں ہیں، پی ٹی آئی کو کمزور کرنے کی کوشش کرنے والے غلط خبریں پھیلاتے ہیں۔ چیئرمین پی ٹی آئی نے مزید کہا کہ سلمان اکرم راجہ کا استعفیٰ ابھی منظور نہیں ہوا، بانی تک رسائی نہیں اسی لیے استعفیٰ منظور نہیں ہوا ہے۔

خبر کا کوڈ: 1175646