حیدرآباد، کالعدم قوم پرست تنظیم کا دہشتگرد گرفتار، ہینڈ گرینیڈ برآمد

اسلام ٹائمز۔ سی ٹی ڈی حیدرآباد نے کارروائی کرتےہوئے کالعدم قوم پرست تنظیم کے اہم دہشتگرد کو گرفتار کرکے ہینڈ گرینیڈ برآمد کرلیا۔ ترجمان سی ٹی ڈی کے مطابق سی ٹی ڈی حیدرآباد اور جامشورو پولیس نے انٹیلی جنس معلومات کی بنیاد پر جامشورو پل کے قریب کارروائی کرتے ہوئے کالعدم  قوم پرست تنظیم کے دہشتگرد کو گرفتار کرکے اس سے ہینڈ گرینیڈ برآمد کرلیا۔ گرفتار دہشتگرد کی شناخت راشد کے نام سے ہوئی، جس کا تعلق کالعدم سندھ ریولوشنری آرمی سے ہے۔ سی ٹی ڈی حکام کے مطابق گرفتار دہشتگرد تربیت یافتہ ہے اور دہشتگردی کی کارروائی کیلئے گھوم رہا تھا، گرفتار دہشتگرد کو ہفتہ کے روز انسداد دہشتگردی کی خصوصی عدالت میں پیش کیا جائے گا۔