QR Code

کراچی میں 5 سیکنڈ میں 55 لاکھ روپے لوٹ لئے، ویڈیو وائرل

28 Nov 2024 17:00

دکان کے مالک کا کہنا ہے کہ 35 لاکھ روپے ان کی جیبوں میں تھے اور 55 لاکھ روپے بیگ میں تھے، جو بینک میں جمع کروانے جا رہا تھا۔

اسلام ٹائمز۔ شہر قائد کے علاقے قائدآباد میں ایزی پیسہ کی دکان کے مالک سے 55 لاکھ روپے چھیننے کی واردات کی سی سی ٹی وی فوٹیج سامنے آگئی۔ تفصیلات کے مطابق 25 نومبر کو قائدآباد تھانے کی حدود میں ایزی پیسہ دکان کے مالک سے 55 لاکھ روپے چھیننے کی واردات کی سی سی ٹی وی فوٹیج سامنے آگئی۔ فوٹیج میں دیکھا جا سکتا ہے کہ مسلح ملزمان نے 5 سیکنڈز میں 55 لاکھ  کی ڈکیتی کی واردات کی انجام دی۔ فوٹیج میں دو لٹیروں کو دکان کے مالک سے رقم سے بھرا بیگ چھینتے دیکھا جا سکتا ہے۔ موٹر سائیکل سوار لٹیروں نے شناخت چھپانے کیلئے ہیلمٹ پہن رکھے ہیں۔ ایک لٹیرے نے اسلحہ نکال کر دھمکایا، دوسرے نے رقم سے بھرا بیگ چھینا۔ دکان کے مالک کا کہنا ہے کہ 35 لاکھ روپے ان کی جیبوں میں تھے اور 55 لاکھ روپے بیگ میں تھے، جو بینک میں جمع کروانے جا رہا تھا۔ مسلح ملزمان 55 لاکھ روپے سے بھرا بیگ چھین کر فرار ہوئے۔ واردات کا مقدمہ قائد آباد تھانے میں درج کر لیا گیا۔ مزید تفتیش جاری ہے۔

خبر کا کوڈ: 1175371