QR Code
پاک افغان سرحد پر دراندازی کی کوشش ناکام، 3 خوارج ہلاک
26 Nov 2024 17:48
آئی ایس پی آر کے مطابق خوارج کا گروہ شمالی وزیر ستان کے علاقے حسن خیل سے داخل ہونے کی کوشش کر رہا تھا، سکیورٹی فورسز کی مؤثر کارروائی میں 3 خوارج ہلاک ہو گئے۔
اسلام ٹائمز۔ پاک فوج نے پاک افغان سرحد پر دراندازی کی کوشش کر ے والے 3 خوارج کو ہلاک کر دیا۔ پاک فوج کے شعبہ تعلقات عامہ کے مطابق پاک افغان سرحد پر خوارج کے ایک گروہ کی دراندازی کی کوشش کو ناکام بنا دیا گیا ہے۔ آئی ایس پی آر کے مطابق خوارج کا گروہ شمالی وزیر ستان کے علاقے حسن خیل سے داخل ہونے کی کوشش کر رہا تھا، سکیورٹی فورسز کی مؤثر کارروائی میں 3 خوارج ہلاک ہو گئے۔ پاک فوج کے شعبہ تعلقات عامہ کے مطابق پاکستان بار بار موثر بارڈر مینجمنٹ کیلئے کہہ چکا ہے، توقع ہے افغان عبوری حکومت اپنی سرزمین خوارج کو استعمال نہیں کرنے دے گی۔ آئی ایس پی آر کا کہنا ہے کہ پاکستان کی سکیورٹی فورسز دہشت گردی کے خاتمے کیلئے پُرعزم ہیں
خبر کا کوڈ: 1174993