اسلام ٹائمز - کینیڈا کے شہروں ٹورنٹو، مسی ساگا، برامپٹن، اٹاوہ، کیلگری اور وینکوور میں پی ٹی آئی کے احتجاجی مظاہرے

کینیڈا کے شہروں ٹورنٹو، مسی ساگا، برامپٹن، اٹاوہ، کیلگری اور وینکوور میں پی ٹی آئی کے احتجاجی مظاہرے

مشہور گلوکار سلمان احمد سمیت علی ڈوگر، تابش توفیق، سعید میو، مصباح حق، اویس حسن، فدا خان، ایاز ملک اور دیگر نے خطاب کیا۔

اسلام ٹائمز۔ پاکستان تحریک انصاف کے بانی عمران خان کی کال پر کینیڈا کے مختلف شہروں ٹورنٹو، مسی ساگا، برامپٹن، اٹاوہ، کیلگری اور وینکوور میں احتجاجی مظاہرے کیے گئے۔ برامپٹن میں ایک پارک میں پی ٹی آئی کے کارکنان اکٹھے ہوئے اور اپنے مطالبات کے حق میں نعرے بازی کی۔ مشہور گلوکار سلمان احمد سمیت علی ڈوگر، تابش توفیق، سعید میو، مصباح حق، اویس حسن، فدا خان، ایاز ملک اور دیگر نے خطاب کیا۔

سلمان احمد نے کہا کہ اگر پی ٹی آئی کو جلد رہا نہ کیا گیا تو ہم ذمہ داروں کے خلاف یہاں سے مقدمات درج کروائیں گے۔ مسی ساگا میں اسکوائر ون پر پی ٹی آئی کے کارکنوں نے مظاہرہ کیا جس سے اکبر وڑائچ، مسعود راجہ، ظفر اقبال، فیاض حیدر اور دیگر نے اپنے خیالات کا اظہار کیا۔ تھارن کلف ٹورنٹو میں احتجاجی مظاہرے سے کرنل (ر) سہیل انور، روبینہ فیصل، سلمان ارشد، کاشف سندھو، جمیلہ پانیزئی، کامران حفیظ اور دیگر نے خطاب کیا۔