اسلام ٹائمز - بشریٰ بی بی سیاست میں اناڑی ہیں، طلال

ایک نجی ٹی وی کے پروگرام میں گفتگو کرتے ہوئے پاکستان مسلم لیگ (ن) کے راہنما کا کہنا تھا کہ یہ لوگ عدم اعتماد سے نکلے تھے، ہر چیز میں ناکام ہوئے۔ 26ویں آئینی ترمیم میں بھی یہ ناکام ہوئے، فائنل کال میں بھی چند سو لوگ نکلے۔ سیاست کیلئے سیاسی رویہ چاہیے، ان کا رویہ سیاسی نہیں۔

اسلام ٹائمز۔ پاکستان مسلم لیگ (ن) کے راہنما طلال چوہدری کا کہنا ہے کہ 4-5 سو لوگ جمع کرنے سے انقلاب نہیں آتا، تحریک انصاف کو سیاسی رویہ اختیار کرنا چاہیے۔ ایک نجی ٹی وی کے پروگرام میں گفتگو کرتے ہوئے طلال چوہدری نے کہا کہ 10 ہزار، 5 ہزار عوام لانے کا ٹارگٹ پورا نہیں ہوا۔ پنجاب، بلوچستان، سندھ سے لوگ نہیں نکلے، حکومتی حکمت عملی کامیاب رہی، ریاست سے نہیں لڑا جا سکتا۔

طلال چوہدری نے کہا کہ یہ لوگ عدم اعتماد سے نکلے تھے، ہر چیز میں ناکام ہوئے۔ 26ویں آئینی ترمیم میں بھی یہ ناکام ہوئے، فائنل کال میں بھی چند سو لوگ نکلے۔ سیاست کیلئے سیاسی رویہ چاہیے، ان کا رویہ سیاسی نہیں۔ راہنما مسلم لیگ نون نے کہا کہ کوئی جماعت ان کے ساتھ نہیں کھڑی، ان کے اپنے لوگ متفق نہیں، سزا یافتہ آدمی کو چھوڑنے کےلیے بغاوت کر رہے ہیں۔ طلال چوہدری نے یہ بھی کہا کہ بشریٰ بی بی سیاست میں اناڑی ہیں۔