QR Code
تحریک انصاف کا ہر احتجاج دوسرے ممالک کے سربراہان کی آمد پر ہی کیوں ہوتا ہے؟
24 Nov 2024 20:55
پاکستان پیپلزپارٹی کی ترجمان نے اپنے بیان میں کہا کہ خیبرپختونخوا حکومت قیام امن کے بجائے مسلح جتھوں کے ساتھ وفاق پر چڑھائی کرنے میں مصروف ہے۔ کرم میں بے گناہوں کے قتل کے واقعات پر وزیر اعلی کے پی کے اور پی ٹی آئی کیوں خاموش ہے۔؟ انہوں نے کہا کہ پی ٹی آئی اور خیبرپختونخواہ حکومت کے لیے انسانی جانوں سے زیادہ اپنی قیادت عزیز ہے۔
اسلام ٹائمز۔ پاکستان پیپلزپارٹی کی ترجمان شازیہ مری نے کہا ہے کہ پی ٹی آئی کو عوام کے جان و مال کی کوئی فکر نہیں، قوم نے احتجاج کے نام پر فساد کی کال کو مسترد کردیا ہے۔ پاکستان پیپلزپارٹی کی ترجمان شازیہ مری نے اپنے بیان میں کہا کہ خیبرپختونخوا حکومت قیام امن کے بجائے مسلح جتھوں کے ساتھ وفاق پر چڑھائی کرنے میں مصروف ہے۔ کرم میں بے گناہوں کے قتل کے واقعات پر وزیر اعلی کے پی کے اور پی ٹی آئی کیوں خاموش ہے۔؟ انہوں نے کہا کہ پی ٹی آئی اور خیبرپختونخواہ حکومت کے لیے انسانی جانوں سے زیادہ اپنی قیادت عزیز ہے۔ تحریک انصاف کا ہر احتجاج دوسرے ممالک کے سربراہان کی آمد پر ہی کیوں ہوتا ہے۔؟
انہوں نے کہا کہ یہ عناصر اسلام آباد پر حملہ آور ہوکر قومی مجرم کو رہا کرانا چاہتے ہیں، پی ٹی آئی جمہوری طرز پر احتجاج اور قانون کے دائرے میں نہیں انتشار اور پرتشدد کارروائیوں کے زریعے اپنے لیڈر کی رہائی چاہتی ہے۔ شازیہ مری نے کہا کہ پی ٹی آئی کارکنان سوال کریں کہ عمران کے بچے اس احتجاج میں لاٹھی اور صعو بتیں برداشت کرنے کیوں نہیں آتے۔؟ پی ٹی آئی کے احتجاج کے نام پر فساد کو قوم نے مسترد کیا ہے۔
خبر کا کوڈ: 1174547