اسلام ٹائمز - کراچی میں یوٹیلیٹی اسٹورز بند ہونے لگے، خریدار پریشان

کراچی میں یوٹیلیٹی اسٹورز بند ہونے لگے، خریدار پریشان

لیاری، سادات کالونی اور کورنگی کراسنگ کے یوٹیلیٹی اسٹورز پر تالے لگ گئے، جو اسٹور کھلے ہیں وہاں موجود خریدار بندش کے فیصلے پر پریشان ہیں۔ یوٹیلیٹی اسٹورز انتظامیہ کے مطابق بندش کا فیصلہ اخراجات کم کرنے کیلئے کیا گیا

اسلام ٹائمز۔ کراچی میں متعدد یوٹیلیٹی اسٹورز بند ہونے سے خریداروں کو شدید پریشانی کا سامنا ہے۔ تفصیلات کے مطابق یوٹیلیٹی اسٹورز کی بندش کا سلسلہ شروع ہوگیا۔ کراچی میں تین اسٹور بند کردیئے گئے۔ مرحلہ وار دیگر اسٹورز بند کیے جائیں گے۔ لیاری، سادات کالونی اور کورنگی کراسنگ کے یوٹیلیٹی اسٹورز پر تالے لگ گئے، جو اسٹور کھلے ہیں وہاں موجود خریدار بندش کے فیصلے پر پریشان ہیں۔ یوٹیلیٹی اسٹورز انتظامیہ کے مطابق بندش کا فیصلہ اخراجات کم کرنے کیلئے کیا گیا، بند ہونے والے اسٹورز ملازمین کو دوسرے اسٹورز میں تعینات کیا جائے گا۔