اسلام ٹائمز - وفاقی دارالحکومت میں کل تمام تعلیمی ادارے بند رکھنے کا فیصلہ

وفاقی دارالحکومت میں کل تمام تعلیمی ادارے بند رکھنے کا فیصلہ

ضلعی انتظامیہ اسلام آباد کی جانب سے نوٹیفکیشن کچھ ہی دیر میں جاری کیا جائے گا۔ ترجمان ضلعی انتظامیہ کا کہنا ہے کہ تعلیمی ادارے بند رکھنے کا فیصلہ موجودہ صورتحال کے پیش نظر کیا گیا، نوٹیفکیشن کا اطلاق وفاقی دارالحکومت کے تمام تعلیمی اداروں پر ہوگا۔

اسلام ٹائمز۔ پاکستان تحریک انصاف کے احتجاج کے باعث وفاقی دارالحکومت میں کل تمام تعلیمی ادارے بند رکھنے کا فیصلہ کیا گیا۔ ضلعی انتظامیہ اسلام آباد کی جانب سے نوٹیفکیشن کچھ ہی دیر میں جاری کیا جائے گا۔ ترجمان ضلعی انتظامیہ کا کہنا ہے کہ تعلیمی ادارے بند رکھنے کا فیصلہ موجودہ صورتحال کے پیش نظر کیا گیا، نوٹیفکیشن کا اطلاق وفاقی دارالحکومت کے تمام تعلیمی اداروں پر ہوگا۔

دوسری جانب پرائیویٹ سکولز ایسوسی ایشن نے سکیورٹی صورتحال کے پیش نظر سکولز بند رکھنے کا اعلان کردیا، انہوں نے والدین سے اپیل کی کہ کل سوموار کو بچوں کو سکول نہ بھیجیں۔ واضح رہے پاکستان تحریک انصاف کی احتجاج کی فائنل کال کے باعث اسلام آباد میں سڑکیں اور راستے بند کیے گئے ہیں، جس سے آمد و رفت شدید متاثر ہونے کے ساتھ سکیورٹی خدشات درپیش ہیں۔