QR Code

پی ٹی آئی غیر ملکی وفد کی آمد پر ہی کیوں احتجاج کرتی ہے؟ اسحاق ڈارنے سوال اٹھا دیا

24 Nov 2024 20:09

اسلام آباد میں اپنے ایک بیان میں نائب وزیراعظم کا کہنا تھا کہ بار بار تحریک انصاف ایسے وقت پر احتجاج کی کال کیوں دیتی ہے۔؟ ایس سی او کانفرنس یا بیلا روس کے صدر کا دورہ ہو، پی ٹی آئی اسلام آباد میں احتجاج کرتی ہے۔

اسلام ٹائمز۔ نائب وزیراعظم اسحاق ڈار نے کہا ہے کہ تحریک انصاف غیر ملکی مہمانوں کی اسلام آباد آمد پر ہی کیوں احتجاج کرتی ہے۔؟ اسلام آباد میں اپنے ایک بیان میں اسحاق ڈار کا کہنا تھا کہ بار بار تحریک انصاف ایسے وقت پر احتجاج کی کال کیوں دیتی ہے۔؟ ایس سی او کانفرنس یا بیلا روس کے صدر کا دورہ ہو، پی ٹی آئی اسلام آباد میں احتجاج کرتی ہے۔ سیاسی احتجاج ملک کی عزت اور وقار کے ساتھ سوچی سمجھی سازش ہے۔ نائب وزیر اعظم کا مزید کہنا تھا کہ بیلاروس کے صدر کا کل دورہ شروع ہورہا ہے، اس سلسلے میں ان کے وزراء اور اہم کاروباری شخصیات کی اسلام آباد آج آمد ہے لیکن پی ٹی آئی نے ایک بار پھر احتجاج کی کال دے دی۔

خبر کا کوڈ: 1174533