اسلام ٹائمز - سعودی عرب سے درآمدات میں کمی، پاکستان کا ایران سے درآمدات پر انحصار

سعودی عرب سے درآمدات میں کمی، پاکستان کا ایران سے درآمدات پر انحصار

رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جب کہ ایران سے درآمدات میں 30 فیصد اضافہ ہوا۔

اسلام ٹائمز۔ رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے۔ رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جب کہ ایران سے درآمدات میں 30 فیصد اضافہ ہوا۔ حکومتی ذرائع کے مطابق اکتوبر میں سعودی عرب سے سالانہ بنیاد پر درآمدات میں 69 فیصد کی بڑی کمی ہوئی، جولائی تا اکتوبر 2024 میں سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی۔ جولائی تا اکتوبر 2024 میں ایران سے سالانہ بنیاد پر درآمدات میں 30 فیصد اضافہ ہوا، اکتوبر 2024 میں ایران سے سالانہ بنیاد پر درآمدات میں 10 فیصد کا اضافہ ہوا۔