QR Code
غاصب صیہونی رژیم نے غزہ کے مرکزی ہسپتال کی بجلی بھی کاٹ دی
23 Nov 2024 13:32
غاصب صیہونی رژیم نے شمالی غزہ میں مرکزی ہسپتال کے الیکٹرک جنریٹرز کو عمدی طور پر نشانہ بناتے ہوئے اس ہسپتال کی بجلی مکمل طور پر منقطع کر دی ہے
اسلام ٹائمز۔ غاصب صیہونی رژیم نے غزہ کے شمالی علاقہ جات کے مرکزی ہسپتال کو بھی بجلی سے محروم کر دیا ہے۔
تفصیلات کے مطابق شمالی غزہ کے مرکزی ہسپتال کمال عدوان کے عملے نے مقامی میڈیا کو بتایا ہے کہ غاصب اسرائیلی فوج نے گذشتہ شب کواڈ کاپٹروں کی ذریعے ساتویں بار اس ہسپتال پر حملہ کرتے ہوئے اس کے صحن اور جنریٹر روم پر کئی گھنٹوں تک مسلسل بم گرائے۔ اس حوالے سے عرب چینل الجزیرہ نے اعلان کیا ہے کہ کمال عدوان ہسپتال کے جنریٹر روم پر ہونے والے غاصب صیہونی رژیم کے انسانیت سوز حملے کے بعد سے اس ہسپتال کی بجلی مکمل طور پر منقطع ہو چکی ہے۔
خبر کا کوڈ: 1174293