QR Code

جنرل ساحر شمشاد مرزا کا بین الاقوامی دفاعی نمائش کا دورہ، غیر ملکی وفود سے ملاقاتیں

21 Nov 2024 23:48

ملاقاتوں کے دوران دفاعی اور سیکیورٹی تعلقات کے پہلوؤں پر تبادلہ خیال کیا گیا۔ فریقین نے دو طرفہ سیکیورٹی اور تعاون کے مختلف شعبوں بالخصوص دفاعی پیداوار پر تبادلہ خیال کیا۔

اسلام ٹائمز۔ ڈیفنس ایکسپورٹ پروموشن آرگنائزیشن کے زیر اہتمام کراچی میں بین الاقوامی دفاعی نمائش آئیڈیاز 2024ء جاری ہے۔ تفصیلات کے مطابق چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے جمعرات کو نمائش کا دورہ کیا۔ جنرل ساحر شمشاد مرزا نے نے ترکیہ، آذربائیجان، جنوبی افریقہ اور ارجنٹائن کے وزراء دفاع، افواج کے کمانڈرز سے ملاقاتیں کیں۔ انہوں نے اس موقع پر ملائیشیا، متحدہ عرب امارات، کمبوڈیا، گیمبیا، برونائی اور مالدیپ کے وزراء دفاع اور فوجی کمانڈرز سے بھی ملاقاتیں کیں۔ ملاقاتوں کے دوران دفاعی اور سیکیورٹی تعلقات کے پہلوؤں پر تبادلہ خیال کیا گیا۔ فریقین نے دو طرفہ سیکیورٹی اور تعاون کے مختلف شعبوں بالخصوص دفاعی پیداوار پر تبادلہ خیال کیا۔

خبر کا کوڈ: 1173980