اسلام ٹائمز - شریف خاندان کے جو کرتوت یہاں پر ہیں، وہی لندن میں ہیں، کچھ تو شرم حیا کریں، ندیم افضل چن

حسن نواز کے دیوالیہ ہونے پر بھٹو دور کو زیر بحث لانا درست نہیں

شریف خاندان کے جو کرتوت یہاں پر ہیں، وہی لندن میں ہیں، کچھ تو شرم حیا کریں، ندیم افضل چن

اپنے ایک بیان میں پاکستان پیپلز پارٹی کے سینیئر رہنماء کا کہنا تھا کہ اگر انہیں پیپلز پارٹی کی قیادت نہ روکے تو وہ سارا کچا چٹھا کھول کر رکھ دینگے۔ انکا کہنا تھا کہ شریف خاندان کیجانب سے حسن نواز کے دیوالیہ ہونے پر بھٹو دور کو زیر بحث لانا درست نہیں۔

اسلام ٹائمز۔ پاکستان پیپلز پارٹی کے سینیئر رہنماء ندیم افضل چن نے کہا ہے کہ شریف خاندان کی طرف سے حسن نواز کے دیوالیہ ہونے پر ذوالفقار علی بھٹو دور کو زیر بحث لانا درست نہیں۔ اپنے ایک بیان میں ندیم افضل چن نے کہا کہ دیوالیہ آپ آج ہو رہے ہیں اور وہ بھی برطانیہ میں، اس میں ذوالفقار علی بھٹو کا دور کہاں سے بیچ میں آگیا۔؟ پی پی رہنماء نے شریف خاندان کو مخاطب کرتے ہوئے کہا کہ قوم کو حقیقت بتائیں کہ آپ نے اپنے آپ کو اس لیے دیوالیہ ظاہر کر دیا، تاکہ برطانیہ میں ٹیکس ادا نہ کرنا پڑے۔

انہوں نے مزید کہا کہ شریف خاندان کے جو کرتوت یہاں پر ہیں، وہی لندن میں ہیں، کچھ تو شرم حیا کریں۔ ندیم افضل چن نے یہ بھی کہا کہ اگر انہیں پیپلز پارٹی کی قیادت نہ روکے تو وہ سارا کچا چٹھا کھول کر رکھ دیں گے۔ ان کا کہنا تھا کہ شریف خاندان کی جانب سے حسن نواز کے دیوالیہ ہونے پر بھٹو دور کو زیر بحث لانا درست نہیں۔