QR Code
جنوبی وزیرستان میں نامعلوم شرپسندوں کا اسکول میں دھماکا، عمارت منہدم
18 Nov 2024 12:10
ذرائع کے مطابق نامعلوم شرپسند رات گئے دھماکا کرکے فرار ہوگئے، دھماکے سے اسکول کی عمارت مکمل طور منہدم ہوگئی تاہم کوئی جانی نقصان کی اطلاع نہیں ملی۔
اسلام ٹائمز۔ جنوبی وزیرستان کے علاقے اعظم ورسک میں نامعلوم شرپسندوں نے گورنمنٹ اسکول کو بم دھماکے سے اڑا دیا۔ ذرائع کے مطابق نامعلوم شرپسند رات گئے دھماکا کرکے فرار ہوگئے، دھماکے سے اسکول کی عمارت مکمل طور منہدم ہوگئی تاہم کوئی جانی نقصان کی اطلاع نہیں ملی۔ واضح رہے کہ گزشتہ چند ماہ سے خیبر پختونخوا اور بلوچستان میں دہشتگردی کے واقعات میں اضافہ ہوا ہے۔ دونوں صوبوں میں دہشتگردی کے بڑھتے واقعات کی وجوہات کا جائزہ لینے کے لیے نیشنل ایکشن پلان پر عملدرآمد کے معاملے پر نیشنل ایکشن پلان کی ایپکس کمیٹی کا اجلاس آج ہونا تھا جو وزیراعظم کی طبیعت ناساز ہونے پر مؤخر ہوگیا۔
خبر کا کوڈ: 1173257