QR Code
پشاور، اے ایس ایف نے منشیات کی بیرون ملک اسمگلنگ کی کوشش ناکام بنادی
17 Nov 2024 21:14
ترجمان اے ایس ایف کے مطابق پشاور ایئرپورٹ پر متعین عملے نے بروقت کارروائی کرکے دوحہ جانے والی پرواز پر ایک مسافر سے بھاری مقدار میں کرسٹل آئس اور ہیروئن برآمد کرلی۔
اسلام ٹائمز۔ ایئرپورٹ سیکورٹی فورس نے پشاور ایئر پورٹ پر کارروائی کے دوران کرسٹل اور آئس ہیروئن کی بیرون ملک اسمگلنگ کی کوشش ناکام بنادی۔ ترجمان اے ایس ایف کے مطابق پشاور ایئرپورٹ پر متعین عملے نے بروقت کارروائی کرکے دوحہ جانے والی پرواز پر ایک مسافر سے بھاری مقدار میں کرسٹل آئس اور ہیروئن برآمد کرلی۔ مسافر محمد طارق نے یہ منشیات اپنے بیگ میں رکھے مختلف پیکٹوں میں مہارت سے چھپا رکھی تھی تاہم اے ایس ایف کے عملے نے مسافر کے سامان کی تلاشی پر 01 کلوگرام کرسٹل آئس اور 2 کلو گرام سے زائد ہیروئن برآمد کرکے اسمگلنگ کی کوشش ناکام بنادی۔ ملزم کو ابتدائی تفتیش کے بعد مزید قانونی کارروائی کے لیے برآمد شدہ منشیات کے ساتھ اے این ایف حکام کے حوالے کردیا گیا۔
خبر کا کوڈ: 1173142