QR Code

دفاعی نمائش آئیڈیاز 2024ء، دنیا کے 55 ممالک شریک ہوں گے، تیاریاں آخری مراحل میں

17 Nov 2024 13:58

ذرائع کے مطابق ترکیہ اور چین بھاری موجودگی کیساتھ شرکت کر رہے ہیں، ایران،اٹلی، برطانیہ پہلی بار نمائش میں شریک ہونیوالوں میں شامل ہیں، نئے شرکاء کو پانچ ہزار سے زائد مہمانوں کی خصوصی توجہ ملنے کا امکان ہے۔

 اسلام ٹائمز۔ دفاعی نمائش آئیڈیاز 2024ء کا کراچی ایکسپو سینٹر میں 19 نومبر سے آغاز ہوگا، وزیراعظم شہباز شریف افتتاح کریں گے۔ ہر دو سال بعد ہونیوالے اس 12ویں انٹرنیشنل ڈیفنس ایگزیبیشن اینڈ سیمینار میں پاکستان اور دوست ممالک کی دفاعی مہارتوں، آلات، ٹیکنالوجی کی نمائش کی تیاریاں آخری مراحل میں ہیں۔ ذرائع کے مطابق دنیا کے55 ملکوں سے 550 سے زائد نمائش کنندگان سٹالز لگائیں گے، ترکیہ اور چین بھاری موجودگی کیساتھ شرکت کر رہے ہیں، ایران،اٹلی، برطانیہ پہلی بار نمائش میں شریک ہونیوالوں میں شامل ہیں، نئے شرکاء کو پانچ ہزار سے زائد مہمانوں کی خصوصی توجہ ملنے کا امکان ہے۔ ڈیفنس ایکسپورٹ پروموشن آرگنائزیشن (ڈیپو) کے زیر انتظام دفاعی نمائش 19 سے 22 نومبر جاری رہے گی۔

خبر کا کوڈ: 1173081