اسلام ٹائمز - پی ٹی آئی کا 24 نومبر کو احتجاج ملک ڈی ریل کرنے کی کوشش ہے، نواز شریف

پی ٹی آئی کا 24 نومبر کو احتجاج ملک ڈی ریل کرنے کی کوشش ہے، نواز شریف

ایون فیلڈ سے ائیرپورٹ کے لیے روانہ ہوتے وقت صدر مسلم لیگ نون کا کہنا تھا کہ احتجاج کی کال دینے والے ان شاءاللہ کامیاب نہیں ہوں گے۔ یاد رہے کہ صدر مسلم لیگ نون اور ان کی بیٹی چند روز سے لندن میں مقیم تھے، اس دوران دونوں نے کچھ روز سوئٹزرلینڈ میں بھی گزارے تھے۔

اسلام ٹائمز۔ صدر مسلم لیگ نون اور سابق وزیراعظم نواز شریف کا کہنا ہے کہ 24 نومبر کو احتجاج کی کال ملک کو ڈی ریل کرنے کی کوشش ہے۔ نواز شریف اپنی بیٹی اور وزیر اعلیٰ پنجاب مریم نواز کے ہمراہ لندن سے وطن واپسی کے لیے ایون فیلڈ سے ائیرپورٹ کے لیے روانہ ہوئے جہاں روانگی سے قبل انہوں نے میڈیا سے بھی گفتگو کی۔ سابق وزیر اعظم نے کہا کہ جھوٹا پروپیگنڈا کرنے والوں کو جھوٹا ہی کہیں گے، 24 نومبر کو احتجاج کی کال ملک کو ڈی ریل کرنے کی کوشش ہے۔

صدر مسلم لیگ نون کا کہنا تھا احتجاج کی کال دینے والے ان شاءاللہ کامیاب نہیں ہوں گے۔ یاد رہے کہ نواز شریف اور مریم نواز چند روز سے لندن میں مقیم تھے، اس دوران دونوں نے کچھ روز سوئٹزرلینڈ میں بھی گزارے تھے۔ یہ بھی یاد رہے کہ پاکستان تحریک انصاف نے 24 نومبر کو اسلام آباد کی جانب مارچ کی کال دے رکھی ہے اور اس حوالے سے وزیراعلیٰ خیبر پختونخوا علی امین گنڈا پور کا کہنا تھا کہ اس بار سر سے کفن باندھ کر نکلیں گے اور مطالبات کی منظوری تک واپس نہیں لوٹیں گے۔