اسلام ٹائمز - ہم تحریک انصاف کے ساتھ کھڑے ہیں اور کھڑے رہیں گے، زین قریشی

ہم تحریک انصاف کے ساتھ کھڑے ہیں اور کھڑے رہیں گے، زین قریشی

راولپنڈی میں میڈیا سے گفتگو کرتے ہوئے پی ٹی آئی کے رہنماء کا کہنا تھا کہ گذشتہ روز کے پی میں بلائے گئے اجلاس میں شرکت کی تھی، پارٹی کے لوگوں سے ملاقات ہوئی، تمام چیزوں پر بات ہوئی ہے۔

اسلام ٹائمز۔ پاکستان تحریک انصاف (پی ٹی آئی) کے رہنماء زین قریشی نے کہا ہے کہ میں پارٹی کے عہدے سے مستعفی ہوا ہوں۔ راولپنڈی میں میڈیا سے گفتگو کرتے ہوئے انہوں نے کہا کہ پارٹی نے مجھے شوکاز نوٹس جاری کیا، اس کا جواب بھی دیا ہے۔ زین قریشی کا کہنا ہے کہ میرا معاملہ پارٹی کے سامنے ہے، میں اچھے کی اُمید رکھتا ہوں۔پی ٹی آئی کے رہنماء نے کہا کہ میں نے گذشتہ روز کے پی میں بلائے گئے اجلاس میں شرکت کی تھی، پارٹی کے لوگوں سے ملاقات ہوئی، تمام چیزوں پر بات ہوئی ہے۔ ان کا کہنا ہے کہ ہم تحریک انصاف کے ساتھ کھڑے ہیں اور کھڑے رہیں گے۔ انہوں نے یہ بھی کہا کہ واحد ممبر ہوں، جس کو قومی اسمبلی سے گرفتار کیا گیا، میرا پورا خاندان مشکلات سے گزرا ہے۔