اسلام ٹائمز - برطانوی نژاد شہری کے اندھے قتل کا ڈراپ سین

ملزمان نے 10 نومبر کو قاضی کلے میں جائیداد اور رقم کے لالچ میں شاہ حسین کو قتل کردیا تھا۔ پولیس کے مطابق ملزمان نے دوران واردات گھر میں سی سی ٹی وی کیمرے پر کپڑا ڈال دیا تھا۔

اسلام ٹائمز۔ پشاور کے علاقہ فقیر آباد میں گزشتہ دنوں ہونے والے برطانوی نژاد شہری کے اندھے قتل کا ڈراپ سین ہوگیا۔ ایس پی فقیر آباد کے مطابق برطانوی شہری شاہ حسین کے قتل میں اس کی بیوی، ساس اور دیگر رشتہ دار ملوث ہیں۔ ملزمان نے 10 نومبر کو قاضی کلے میں جائیداد اور رقم کے لالچ میں شاہ حسین کو قتل کردیا تھا۔ پولیس کے مطابق ملزمان نے دوران واردات گھر میں سی سی ٹی وی کیمرے پر کپڑا ڈال دیا تھا۔

قتل کی واردات کے بعد مقتول کی بیوی نے مدعی بن کر نامعلوم ملزمان کے خلاف مقدمہ درج کرایا تھا۔ ایس پی فقیر آباد طلال احمد نے بتایا کہ قتل میں ملوث تمام ملزمام کو گرفتار کرلیا گیا ہے اور گرفتار ملزمان نے جائیداد اور رقم کے لالچ میں قتل کرنے کا اعتراف کرلیا ہے۔