QR Code
دیوسائی میں لاپتہ مسافروں کی تلاش کیلئے پاک فوج کا زمینی و فضائی آپریشن شروع
15 Nov 2024 15:10
پاک آرمی کے جوانوں پر مشتمل یہ ٹیم پیدل سفر طے کر کے دیوسائی میں پھنسے ہوئے مسافروں کو ریسکیو کریں گے۔ دوسری طرف پاک آرمی کے دو ہیلی کاپٹرز ریسکیو کے لیے تیار کھڑے ہیں۔
اسلام ٹائمز۔ پاک فوج کی خصوصی ٹیم دیوسائی میں پھنسے گلتری کے مسافروں کو ریسکیو کرنے کیلئے دیوسائی روانہ ہوگئی۔ پاک آرمی کے جوانوں پر مشتمل یہ ٹیم پیدل سفر طے کر کے دیوسائی میں پھنسے ہوئے مسافروں کو ریسکیو کرے گی۔ دوسری طرف پاک آرمی کے دو ہیلی کاپٹرز ریسکیو کے لیے تیار کھڑے ہیں، موسم کی خرابی اور شدید برف باری کے پاعث ہوائی آپریشن میں مشکلات کا سامنا ہے۔ پاک آرمی مشکل کے اس گھڑی میں لوگوں کی مدد کے لیے چاک و چوبند کھڑی ہے۔ یاد رہے کہ گزشتہ روز سرحدی علاقے گلتری سے سکردو آنے والے مسافروں کی دو گاڑیاں لاپتہ ہو گئی تھیں۔
خبر کا کوڈ: 1172714