QR Code
گلتری سے سکردو آنے والی دو مسافر گاڑیاں دیوسائی میں پھنس گئیں
15 Nov 2024 13:48
گاڑیاں گزشتہ روز گلتری سے سکردو کے لئے روانہ ہوئی تھیں، گاڑیوں میں بچوں اور خواتین سمیت 14 افراد سوار ہیں۔
اسلام ٹائمز۔ گلتری سے سکردو مسافروں کو لے کر آنے والی دو ٹیوٹا گاڑیاں دیوسائی میدان میں پھنس گئیں، گاڑیاں گزشتہ روز گلتری سے سکردو کے لئے روانہ ہوئی تھیں، گاڑیوں میں بچوں اور خواتین سمیت 14 افراد سوار ہیں، گلتری کے سکردو میں مقیم لوگوں کے مطابق گاڑیاں برف میں پھنسی ہیں، ضلعی انتظامیہ کو بروقت اطلاع دئیے جانے کے باجود ریسکیو آپریشن شروع نہیں کیا جاسکا ہے۔ اُن کا کہنا تھا کہ ہیلی کاپٹر کے زریعے پھنسے ہوئے مقام کی نشاندہی کرکے ریسکیو کا بندوبست کیا جانا چاہئے۔
خبر کا کوڈ: 1172705