QR Code

ہرنائی میں شہید ہونیوالے میجر محمد حسیب کی نماز جنازہ ادا، سید عاصم منیر

15 Nov 2024 02:37

چکلالہ گیریژن راولپنڈی میں 28 سالہ میجر کی نماز جنازہ کے موقع پر آرمی چیفکا کہنا تھا کہ ہمارے بہادر افسران اور جوانوں کی قربانیاں دہشت گردی کیخلاف غیرمتزلزل عزم کا اظہار ہے۔ انہوں نے مزید کہا کہ قوم فتنہ الخوارج اور ان کی باگ ڈور سنبھالنے والوں کے خلاف جنگ میں مسلح افواج اور قانون نافذ کرنے والے اداروں کے ساتھ ہے۔

اسلام ٹائمز۔ پاک فوج کے شعبہ تعلقات عامہ کے مطابق ہرنائی میں شہید ہونیوالے میجر محمد حسیب کی نماز جنازہ ادا کر دی گئی۔ 28 سالہ میجر محمد حسیب کی نماز جنازہ چکلالہ گیریژن میں ادا کی گئی، آرمی چیف جنرل سید عاصم منیر نے نماز جنازہ میں شرکت کی، وفاقی وزیر احسن اقبال، سینئر فوجی افسران، سول حکام، شہید کے لواحقین بھی شریک ہوئے۔

آرمی چیف جنرل سید عاصم منیر نے کہا کہ ہمارے بہادر افسران اور جوانوں کی قربانیاں دہشت گردی کیخلاف غیرمتزلزل عزم کا اظہار ہے۔ جنرل عاصم منیر نے کہا کہ قوم فتنہ الخوارج اور ان کی باگ ڈور سنبھالنے والوں کے خلاف جنگ میں مسلح افواج اور قانون نافذ کرنے والے اداروں کے ساتھ ہے۔

خبر کا کوڈ: 1172643