QR Code

ظہیر احمد بابر سدھو سے محمد غدیح کی ملاقات

14 Nov 2024 01:19

پاک فوج کے شعبہ تعلقات عامہ کے مطابق ایئر چیف مارشل اور مراکش کی فضائیہ کے انسپکٹر نے ایئر ہیڈکوارٹرز اسلام آباد میں ہونے والی ملاقات میں موجودہ تعلقات کو مزید مستحکم بنانے کی خواہش کا اظہار کیا، ملاقات میں عسکری تعاون، مشترکہ تربیت، صنعتی شعبے میں تعاون کے امور پر تبادلہ خیال کیا گیا۔

اسلام ٹائمز۔ پاک فوج کے شعبہ تعلقات عامہ کے مطابق مراکش کی فضائیہ کے انسپکٹر میجر جنرل محمد غدیح نے ایئر ہیڈکوارٹرز اسلام آباد کا دورہ کیا۔ آئی ایس پی آر کے مطابق ایئر چیف مارشل ظہیر احمد بابر سدھو سے انسپکٹر جنرل محمد غدیح نے ملاقات کی، میجر جنرل محمد غدیح نے پاک فضائیہ کی ٹیکنالوجی کے شعبے میں پیشرفت کو سراہا۔

پاک فوج کے شعبہ تعلقات عامہ کے مطابق فریقین نے موجودہ تعلقات کو مزید مستحکم بنانے کی خواہش کا اظہار کیا، ملاقات میں عسکری تعاون، مشترکہ تربیت، صنعتی شعبے میں تعاون کے امور پر تبادلہ خیال کیا گیا۔ آئی ایس پی آر کے مطابق ایئر ہیڈکوارٹرز آمد کے موقع پر مراکش کی فضائیہ کے انسپکٹر میجر جنرل محمد غدیح کو گارڈ آف آنر بھی پیش کیا گیا۔

خبر کا کوڈ: 1172466