اسلام ٹائمز - دہشتگرد پاک دھرتی پر بوجھ، قوم کی حمایت سے ہمیشہ کیلئے خاتمہ کیا جائیگا، محسن نقوی

دہشتگرد پاک دھرتی پر بوجھ، قوم کی حمایت سے ہمیشہ کیلئے خاتمہ کیا جائیگا، محسن نقوی

وفاقی وزیرداخلہ کا اپنے ایک بیان میں کہنا تھا کہ میران شاہ میں 8 خوارجی دہشتگردوں کو عبرتناک انجام تک پہنچانے والی سکیورٹی فورسز کی پیشہ ورانہ صلاحیتوں پر ناز ہے۔ خوارجی دہشتگرد پاک دھرتی پر بوجھ ہیں، قوم کی حمایت سے اس ناسور کا ہمیشہ کے لئے خاتمہ کیا جائے گا۔

اسلام ٹائمز۔ وفاقی وزیرداخلہ محسن نقوی نے میران شاہ میں 8 خوارجی دہشتگردوں کو جہنم واصل کرنے پر سکیورٹی فورسز کو خراج تحسین پیش کیا۔ وزیرداخلہ محسن نقوی نے خوارجی دہشتگردوں کے مذموم عزائم ناکام بنانے پر سکیورٹی فورسز کو شاباش دی، انہوں نے کہا کہ سکیورٹی فورسز نے ہر موقع پر بہادری اور پیشہ ورانہ صلاحیتوں کا مظاہرہ کیا ہے۔ محسن نقوی نے کہا کہ میران شاہ میں 8 خوارجی دہشتگردوں کو عبرتناک انجام تک پہنچانے والی سکیورٹی فورسز کی پیشہ ورانہ صلاحیتوں پر ناز ہے۔ خوارجی دہشتگرد پاک دھرتی پر بوجھ ہیں، قوم کی حمایت سے اس ناسور کا ہمیشہ کے لئے خاتمہ کیا جائے گا۔